Abanyamakuru babiri bakoreraga Televiziyo yigenga yo mu gihugu cya Afghanistan bahitanywe n’igitero cy’ubwiyahuzi abandi batatu barakomereka nk’uko abayobozi b’iki gihugu babitangaje kuri iki Cyumweru.
Ibi byabaye ubwo imodoka yo mu bwoko bwa minibus yari itwaye abanyamakuru ba televiziyo yigenga, Khorshid TV yaturitswaga n’igisasu cyari cyatezwemo.
Nasrat Rahimi, umuvugizi wa minisiteri y’umutekano yatangaje ko mu bakomeretse batatu harimo abakozi babiri ba Khorshid TV naho uwa gatatu akaba ari umuntu witambukiraga nk’uko iyi nkuru dukesha VOA ivuga.
Kugeza magingo aya nta mutwe w’iterabwoba wari wigamba iki gitero ; gusa si ubwa mbere abanyamakuru bicwa n’ibitero by’imitwe y’iterabwoba muri icyo gihugu, kuko abanyamakuru babarirwa muri barindwi, bishwe n’Abatalibani muri Afuganistani.
Â
