Umunyamakuru Eric Kabendera kuri uyu wa mbere yagejejwe imbere y’urukiko rwa Kisutu i Dar es Salaam aregwa ibyaha bitandukanye n’ibyo bamufashe bavuga.
Bwana Kabendera yatawe muri yombi mu ntangiriro z’icyumweru gishize i Dar es Salaam, polisi yatangaje ko akekwaho ko hari uburenganzira yihaye nk’umunyatanzania kandi ari umunyamahanga.
Eric Kabendera, asanzwe yandika inkuru zicukumbuye ku binyamakuru mpuzamahanga bitandukanye, birimwo “The Guardian” cyo mu Bwongereza.
Uyu munsi kuwa mbere, uyu munyamakuru wandika inkuru zicukumbuye yagejejwe imbere y’urukiko aregwa ibyaha bishya nk’uko umunyamakuru wa BBC uri mu rukiko abivuga.
- Kuyobora itsinda ry’abagizi ba nabi
- Kutishyura imisoro
- Iyezandonke
Inyandiko y’urukiko igaragaza ko Kabendera ashinjwa ko hagati y’ukwezi kwa mbere 2015 n’ukwezi kwa karindwi 2019 yagiye afatanya n’abandi bantu (batari mu baregwa) mu bikorwa bigize icyaha byo kwigwizaho inyungu.
Iyi nkuru ya BBC ivuga ko kandi hagati y’icyo gihe atishyuye, nta mpamvu atanze, imisoro ya miliyoni 173 z’amashiringi ya Tanzania ku kigo cyaho gishinzwe imisoro.
[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
Araregwa kandi iyezandonke mu kwakira amashiringi miliyoni 173 kandi azi neza ko ayo mafaranga ari ayo gukoreshwa mu bikorwa bigize ibyaha no kutishyura imisoro.
Kabendera ntabwo yahawe umwanya wo kwisobanura kuri ibi birego.
Â
