Umunyamideli akaba n’umuherwe muri Kenya, Huddah Monroe, yagaragaye mu birori byo guha ikaze umwana wa Diamond Platnumz na Tanasha yambaye ikariso.
Ku wa 22 Kanama 2019 nibwo Diamond Platnumz yakoreye umukunzi we Tanasha Donna ibi birori byo guha ikaze umwana wabo (Baby shower), byanitabiriwe n’ibyamamare bitandukanye harimo nuyu munyamideli Huddah Monroe.
Huddah Monroe wemeza ko yahawe ubutumire muri ibi birori gusa agatinda kuza bitewe n’uko yari afite ibindi bikora bye yari yitabiriye, yasobanuye byinshi byatumye yicara inyuma y’abandi nyamara yari yateguriwe umwanya w’icyubahiro imbere.
Abinyujieje ku rukuta rwe rwa Instagram yagize ati”Icyatumye nkererwa ni uko hari ibindi bikorwa byanjye by’ubucuruzi nari ndimo”
Abajijwe impamvu yitabiriye yambaye ikariso (Bikini) mu birori nk’ibi bikomeye, ko bitaba ari ugutesha agaciro uwamutumiye, abyamaganira kure.
Yagize ati”Tanasha ni inshuti yanjye magara, ni umukobwa mwiza kandi ndamwubaha nta mikino agira, ni inshuro nyinshi musura, wakoze ku munsi nk’uyu ukomeye, gusa hejuru ya byose jya ushyira Imana imbere”.
Huddah Monroe yaje kumenyekana cyane ubwo yari ahagarariye Kenya mu irushanwa rya Big Brother ku nshuro yaryo ya munani.
N’ubwo atagize amahirwe yo kuryegukana yasohotsemo yarabaye icyamamare muri Kenya avuka ndetse no mu bindi bihugu byo mu Karere, azwiho kandi amafoto agaragaza ikimero cye ku mbuga nkoranyambaga.
Emmy Niyigena/ Bwiza.com
