Undi mu bashyigikiye Museveni yatewe umusumari wambukiranya itama ujya mu kanwa

Umuturage witwa Isaac Katoogo wo mu Karere ka Mbale bizwi ko ari umuyoboke ukomeye wa Museveni yatewe umusumari wambukiranya itama werekeza mu kanwa.

Katoogo uzwi nka Ambasaderi wa Yesu muri Mbale akaba asanzwe ari n’umuhanzi ukizamuka kuwa 17 Nzeri ni bwo yagabweho igitero n’abantu bataramenyekana, baramushimuta, bamutera umusumari mu itama, werekeza mu kanwa.

Spyreports dukesha iyi nkuru ivuga ko Katoogo yari yiriwe afite indangururamajwi, aririmba indirimbo zitaka ishyaka riri ku butegetsi muri Uganda (NRM) ari nako avuga imyato Perezida Museveni.

Katogo si we wa mbere utewe umusumari mu mubiri azira gushyigikira Perezida Museveni. Uwabanje kwigirizwaho nkana n’abanga  urunuka Museveni na NRM ye ni uwitwa Baker  Kasumba watewe imisumari mu biganza bitewe no kwambara ingofero y’umuhondo igaragaraza NRM.

[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]

Ibikorwa byibasira abayoboke ba NRM bikomeje kugaragara muri rubanda mu gihe iri shyaka riherutse gutangaza ko ritanze Museveni Yoweli Kaguta nk’uzarihagararira mu matora y’umukuru w’igihugu ateganyijwe mu 2021.