Abantu 25 biganjemo urubyiruko kuri uyu wa Gatatu tariki ya 2 Ukwakira 2019, bagejejwe mu rukiko rwa Gisirikare ruri i Nyamirambo mu mujyi wa Kigali, bashinjwa gukorana n’umutwe wa RNC urwanya Leta y’u Rwanda.
Ni ku nshuro ya mbere bagejejwe imbere y’urukiko baburana ifungwa n’ifungurwa ry’agateganyo. Uko ari 25 harimo abasirikare babiri, Rtd Maj Habib Mudathiru uheruka gufatirwa muri RDC nyuma yo kuraswa akaguru, undi musirikare urimo ni Lt Nsanzimana Patrick uvuka mu Karere ka Nyaruguru, bakaba bagejejwe ku rukiko baherekejwe n’ishami rya gisirikare rishinzwe imyitwarire (Military Police).
Rtd. Maj. Mudasiru yarasiwe mu mirwano mu Burasirazuba bwa Congo Kinshasa, akaba yari umwe mu bakuriye umutwe w’inyeshyamba za P5 bivugwa ko ari uwa Gen Kayumba Nyamwasa. Nyuma yo gufatwa yoherezwa mu Rwanda.
Abandi 23, ni Gatwere Joseph w’imyaka 18, uvuga ko umuryango we uba i Bujumbura ariko akaba afite ubwenegihugu bwa Uganda.
-Habyarimana Joseph wavutse mu 1979, akaba akomoka mu Karere ka Gisagara
-Ngendakumana Vedaste, yavukiye mu Karere ka Gisagara mu 1987
-Minani Jean, yavutse mu 1982 akaba ari Umurundi wavukiye muri Komini Kayanza
-Rugamba Hagenimana Viateur we yavukiye mu Karere ka Gicumbi mu 1992
-Mfitumukiza Assier atuye mu Karere ka Karongi, yavutse mu 1990.
-Twizerimana Patrick yavukiye mu Karere ka Kanyaruguru mu 1990.
-Bihoyiki Diogène yavutse mu 1982 mu Karere ka Gisagara
-Haguma Claude, Akarere ka Rubavu, yavutse mu 1996.
– Rugambwa Suraimani, akomoka Masaka/uganda yavutse mu 1976
-Mbarushimana Ildephonse, Akarere ka Gisagara, yavutse mu 1997.
– Nsabimana Jean Marie, umurundi atuye mu Cibitoke yavutse mu 1991.
-Yukamazina Leverien yavutse mu 1997 ni Umurundi w’i Muramvya
-Ndikurugendo Yisa yavutse mu 1989, ni Umurundi
-Habanabakize Innocent yavutse mu 1993 mu Karere ka Gisagara.
– Rusigariye Ildephonse yavutse mu 1996, Akarere ka Gisagara.
-Ndikumana Yisa.
– Ngiruwera Shadrac yavutse mu 1996 mu Karere ka Gakenke.
-Ndirahira Jean de Dieu, Umurundi atuye mu Cibitoke yavutse mu 1987.
– Desiderion Fred, Uganda/Rubenge, yavutse mu 1996
– Gashumba Andre yavukiye mu karere ka Nyagatare mu 1966.
– Habarurema Jackson yavukiye mu Karere ka Nyagatare mu 1994.
-Ndibanje Lambert ni umurundi ufite ubwenegihugu bwa Malawi, atuye muri Tanzania
Ubushinjacyaha buhagarariwe na Major Ruyonza na Capt Rugambwa, bose uko ari 25 bubashinja ibyaha birimo:
1.Icyaha cyo kwinjira mu mutwe w’ingabo utemewe
2.Icyaha cyo Kugirira nabi ubutegetsi buriho
3. Icyaha cyo Kugirana umubano n’ibindi bihugu hagamijwe gushoza intambara
4.N’Icyaha cyo Kurema umutwe w’abagizi ba nabI
