Abarwanashyaka 200 b’ishyaka rya CNL ritavuga rumwe n’ubutegetsi bw’u Burundi bafungiwe mu ntara zitandukanye harimo 100 bari mu ntara ya Bujumbura.
Mu ncamake y’amakuru yo ku wa 7 Ugushyingo 2019 ikinyamakuru Iwacu cyashyize hanze, kivuga ko hari n’abagera kuri 50 bamwe muri bo batwitswe, abandi bakicwa nk’uko byatangajwe n’umunyamabanga wa CNL, Depite Simon Bizimungu mu kiganiro yagiranye n’itangazamakuru kuri uyu munsi.
Simon Bizimungu abona leta y’u Burundi ikomeje ibikorwa byo gusenya ishyaka no gufunga abarihagarariye ku rwego rw’igihugu.
Ibi bikorwa byo kwigizayo abatavuga rumwe n’ubutegetsi bw’ishyaka rya CNDD-FDD byashimangiwe na Pierre Claver Kazihise ukuriye ishyaka rya CENI, wavuze ku bikorwa byo gufunga no gutoteza abantu ku mpamvu ya politiki. Kazihise avuga ko CENI yatangiye ubukangurambaga bwo kwimakaza umuco wa demukarasi ku bufatanye n’amadini na sosiyete sivile.
