Igisirikare cya Repubulika Iharanira Demokarasi ya Congo (FARDC), cyemeje ko Colonel Alexis Rugabisha wari umwe mu basirikare bakuru bayoboye urugamba ingabo zayo zirwanamo n’umutwe wa M23 yishwe.
Colonel Rugabisha yari umuyobozi wa Brigade ya 12 y’Ingabo za RDC zirwana na M23.
Inkuru y’urupfu rwe yamenyekanye ejo ku wa Gatandatu, mbere y’uko FARDC irwemeza binyuze mu itangazo yasohoye kuri iki Cyumweru.
Umuvugizi wa FARDC, GĂ©nĂ©ral-Major Sylvain Ekenge, yavuze ko Col. Rugabisha “yapfanye intwaro mu ntoki”, nyuma yo kuyobora igitero cyari kigamije gusubiza inyuma M23 ikavanwa i Nyabibwe kugeza mu nkengero za Minova.
Icyakora n’ubwo Igisirikare cya RDC kivuga ko Rugabisha yishwe na M23, hari amakuru avuga ko uyu musirikare yaba yishwe na bagenzi be bamushinja ubugambanyi.
Uyu musirikare nanone yari amaze igihe avumirwa ku gahera na bene wabo bo mu bwoko bw’Abanyamulenge bamushinja kubagambanira no kugira uruhare mu bwicanyi bamaze igihe bakorerwa na Leta ya Congo Kinshasa.
Imirwano hagati ya M23 na FARDC yakomereje mu ntara ya Kivu y’Amajyepfo, ndetse amakuru avuga ko mu minsi mike uyu mutwe ushobora kwigarurira Umujyi wa Bukavu nyuma y’uwa Goma igenzura kuva mu mpera z’ukwezi gushize.
