Amakuru aturuka muri Repubulika Iharanira Demokarasi ya Congo avuga ko Col.Muhawenimana Theogene uzwi ku izina rya Festus wayoboraga inyeshyamba za FLN yicanwe n’abarwanyi be basaga 80.
Col.Muhawenimana ngo yarasiwe mu mirwano yabaye mu ishyamba rya Kahuzi biega na Kinono ho muri Teritwari ya Kalehe, Intara ya Kivu y’Amajyepfo, ngo akaba yari umuyobozi wa Batayo yitwa AXES I, yari ishinzwe kurinda icyicaro gikuru cya Gen.Wilson Irategeka.
Uyu mukoloneri ngo yarashwe ubwo yasohokaga mu ishyamba rya Kahuzi Biyega, ahita agwa mu mutego w’ingabo za Congo (FARDC) we n’abo yari ayoboye barengaga 80 bahasiga ubuzima, abandi barwanyi 45 bamanika amaboko barimo abakobwa 25.
Ikinyamakuru Rwandatribune gitangaza ko Col.Muhawenimana Theogene yavutse mu mwaka wa 1974, mu Cyahoze ari Perefegitura ya Kigali-Ngali, Komini Gashora, ubu ni mu Karere ka Bugesera, Intara y’Iburasirazuba.
Festus ngo yinjiye mu gicengezi mu mwaka wa 1998, muri 1999 yinjira mu Ishuri rikuru rya gislikare ESM ya FDLR ahitwa i Gikoma, ho muri Repubulika ya Congo, muri Tetwari ya Rutshuro.
Bitangazwa kandi ko uyu mukoloneli yapfanye n’abandi bakomeye barimo Maj.Rusanganwa Felix uzwi ku mazina ya Gbado, Maj Runyuki, Maj.Kibata,Capt Tumaine Maulice wari ukuriye Kompanyi CRAP na Hakizabera Alphonse na capt Sibomana Musafiri wabarizwaga mu rwego rw’iperereza n’abandi barwanyi bato.
Kugeza ubu nta ruhande dudafite uruhande rubogamiyeho rwari rwagira icyo rutangaza kuri aya makuru.
2 Responses
Biravugwa ko Col.Muhawenimana Theogene wa FLN yicanwe n’abarwanyi basaga 80
Ese ko bambara gisivile babatandukanya gute? Abo bakobwa se nabo nabarwanyi? Biranatangaje uburyo amakuru yo ku rugamba muri congo atugeraho afite amafoto nimyirondoro detaye yabarwanyi
Biravugwa ko Col.Muhawenimana Theogene wa FLN yicanwe n’abarwanyi basaga 80
Ese ko bambara gisivile babatandukanya gute? Abo bakobwa se nabo nabarwanyi? Biranatangaje uburyo amakuru yo ku rugamba muri congo atugeraho afite amafoto nimyirondoro detaye yabarwanyi