Umukinnyi wa Real Madrid, Jude Bellingham ashobora guhagarikwa imikino 12 nyuma yo gutuka umusifuzi mu mukino wabahuje na Osasuna ku wa Gatandatu.
Bellingham yahawe ikarita itukura na umusifuzi Jose Luis Munuera Montero mu minota 39 y’umukino wa La Liga waje kurangira kunganya 1-1 hagati ya Real Madrid na Osasuna, nyuma yo gukoresha amagambo akomeretsa umusifuzi.
Ariko Bellingham yatangaje ko atigeze atuka umusifuzi, ahubwo ko yabwiye umusifuzi ati: “F*** off”, aho kuba ati: “F*** you”, nk’uko umusifuzi yabivuze.
Umutoza wa Madrid, Carlo Ancelotti, nyuma y’umukino yavuze ati: “Ntekereza ko umusifuzi atumvise neza Icyongereza cya Jude Bellingham. Yavuze ‘f*** off’, ntabwo yavuze ‘f*** you’… ibyo ni ibintu bitandukanye.”
Biri kurebwa niba Real Madrid izajurira muri uru rubanza mu ntego yo gusaba ko ikarita itukura ya Bellingham yakurwaho.
Ubujurire buramutse bwanze, Bellingham w’imyaka 21 ashobora kumara imikino 12 adahagaragara mu kibuga, akaba azajya areba abakinnyi bagenzi be bakina.
Amategeko y’ishyirahamwe ry’imikino muri Espagne (Spanish FA) avuga ko umukinnyi wese ugira imyitwarire yo gutuka, gukomeretsa, cyangwa gushinja umusifuzi, abafasha be, umusifuzi, abagenzuzi, cyangwa abayobozi mu buryo bw’ubugome, azahanishwa guhagarikwa hagati y’imikino 4 na 12.
