Ikipe ya Rayon Sports WFC yongeye kwegukana igikombe cya shampiyona y’icyiciro cya mbere mu bagore ku nshuro ya kabiri yikurikiranya, nyuma yo gutsinda Indahangarwa WFC ibitego 2-1.
Uyu mukino wabaye kuri uyu wa Gatandatu, wari uwo ku munsi wa 20 wa shampiyona.
Gutsinda kw’iyi kipe byayihesheje kugira amanota 55, bituma itakibasha gukurwaho na Indahangarwa WFC iyikurikira n’amanota 44, mu gihe hasigaye imikino ibiri ngo shampiyona irangire.
Rayon Sports WFC, imaze imyaka itatu ishinzwe, ikomeje kwigaragaza nk’ikipe ikomeye, kuko kugeza ubu imaze gutwara ibikombe bitandatu mu marushanwa atandukanye.
