Kuri uyu wa Gatandatu ushize, umutwe wa JNIM ukorana na Al Qaeda wavuze ko wahitanye abasirikare 70 mu bitero byagabwe ku birindiro bibiri bya gisirikare mu majyaruguru ya BĂ©nin.
Ni wo mubare munini w’abasirikare ba Guverinoma ya Benin biciwe umunsi umwe n’abajihadiste muri iki gihugu mu myaka icumi ishize bakorera muri Afurika y’iburengerazuba.
Ibiro Ntaramakuru by’u Bwongereza, Reuters, batangaje ko bitashoboye guhita bigenzura ayo makuru mu bwisanzure.
Umuvugizi w’ingabo za Benin, Ebenezer Honfoga, nawe ntiyitabye telefoni cyangwa ngo asubize n’ubutumwa byasabaga ibisobanuro.
Itangazo rya Jama’a Nusrat ul-Islam wa al-Muslimin (JNIM) ku wa Kane ryavuze ko abasirikare 70 baguye mu bitero byagabwe ku birindiro bibiri bya gisirikare mu ntara ya Kandi yo mu majyaruguru y’uburasirazuba bwa Benin, ku birometero birenga 500 uvuye ku murwa mukuru Cotonou.
