Mapema asubuhi ya leo Ijumaa, karibu saa kumi na nusu alfajiri, moto mkubwa ulizuka katika karakana ya ufundi ya Gisozi, iliyopo katika Tarafa ya Gisozi, Wilaya ya Gasabo, Jiji la Kigali, ambapo kazi za useremala na usudishaji hufanyika.
Mashuhuda wamesema moto ulianza kwenye majengo yanayouza vitanda na samani nyingine za mbao, yaliyoko karibu na barabara.
Ingawa chanzo cha moto huo hakijajulikana bado, taarifa zinasema kuwa umeharibu takriban nusu ya karakana hiyo. Polisi ya Taifa ya Rwanda ilianza kazi ya kuzima moto huo wakati bado ulikuwa mkubwa.
Hadi sasa, hakuna taarifa za mtu yeyote aliyepoteza maisha. Uchunguzi kuhusu chanzo cha moto na tathmini ya uharibifu tayari umeanza.
