Abantu barenga 919 mu Butaliyani bishwe n’indwara y’icyorezo ya Coronavirus kuri uyu wa 27 Werurwe 2020.
Imibare yo ku rubuga rwa World Ometers rwashyizeho kuri uyu mugoroba igaragaza ko muri iki gihugu hagaragaye abarwayi bashya ba Coronavirus barenga 5900, umubare w’abanduye bose ugera ku 86500.
Hari hatangiye kuza icyizere ko abicwa n’iki cyorezo ku munsi bagabanyuka mu Butaliyani, ubwo bageraga muri 600 bavuye muri 800 ariko uyu munsi wagisubije inyuma ku buryo bugaragara.
Ubutaliyani ni igihugu cya mbere ku Isi gifite abantu benshi bishwe na Coronavirus, ubu barenga 9130. Esipanye iza ku mwanya wa kabiri n’imfu zirenga 4930. Ubushinwa buri ku mwanya wa gatatu n’imfu zirenga 3290.
Ubutaliyani kandi buri ku mwanya wa kabiri mu bihugu bifite abantu benshi banduye iki cyorezo, ubu bamaze kurenga 86490. Leta Zunze Ubumwe z’Amerika ziri ku mwanya wa mbere n’abarwayi babaruwe barenga 98000. Ubushinwa buri ku mwanya wa gatatu n’abarwayi babaruwe barenga 81340.
Muri rusange, ku Isi hamaze kubarurwa abarwayi ba Coronavirus barenga 586400, abamaze gupfa barenga mu gihe abamaze gukira barenga 132420.
