Uwari umukandida ku mwanya wa Perezida wa Colombia, Miguel Uribe, yapfuye nyuma y’amezi abiri arashwe mu mutwe mu gikorwa cyo kwiyamamaza, nk’uko umugore we yabitangaje mu gitondo cyo kuri uyu wa Mbere.
Maria Claudia Tarazona yanditse ku rubuga rwe rwa Instagram ati: “Uzahora uri urukundo rw’ubuzima bwanjye. Warakoze kubw’ubuzima bwuzuye urukundo.”
Yongeyeho ati: “Ruhukira mu mahoro, rukundo rw’ubuzima bwanjye. Nzita ku bana bacu.”
Ku wa Gatandatu, ivuriro ryamuvuraga ryatangaje ko ubuzima bw’uwahoze ari senateri bwasubiye mu kaga nyuma yo kongera kuva amaraso mu bwonko kubera igikomere yagize nyuma yo kugerageza kumwica.
Ku itariki ya 7 Kamena, ubwo yari mu gikorwa cyo kwiyamamaza mu gace gatuwemo n’abakozi mu murwa mukuru Bogota, uyu mukandida w’aba conservateurs w’imyaka 39 yarashwe inshuro eshatu mu mutwe.
