Igikorwa gishya cyo gucyura impunzi zishaka gutaha ku bushake ku wa kabiri, itariki ya 9 Nzeri 2025, cyabereye ku mupaka wa Grande Barriere i Goma, aho ishami rya Loni rishinzwe impunzi (HCR), ku bufatanye na AFC/M23 bahagarikiye itaha ry’impunzi z’Abanyarwanda zikabakaba 300.
Ku bufatanye bwa HCR n’ihuriro AFC / M23 hamwe n’ubuyobozi bw’u Rwanda, bahagarikiye itaha ry’Abanyarwanda 284 mu Rwanda bari bamaze imyaka ari impunzi muri Repubulika ya Demokarasi ya Congo.
Nk’uko imibare yatanzwe na UNHCR ibigaragaza, harimo abagabo 20, abagore 72, abahungu 89, n’abakobwa 103, baherekejwe n’abagenzuzi bane, baherekejwe n’abagore batatu b’Abanyekongo bashyingiranywe n’abagabo b’Abanyarwanda.
Amakuru yatanzwe na AFC / M23 avuga ko inyinshi muri izo mpunzi zari zitunzwe n’abahoze ari abarwanyi ba FDLR, bamaze imyaka mirongo muri DRC.
Eijun Byun, ushinzwe itumanaho muri UNHCR, avuga ko uku gutaha kuri mu rwego rw’igikorwa cyagutse cyo gucyura abashaka gutaha ku bushake cyatangiye muri Gicurasi umwaka ushize, aho Abanyarwanda basaga gato 4000 bamaze gutaha mu Rwanda mu 2025.
