Mu rwego rw’urugendo rwe rw’akazi akomeje mu Ngabo z’u Rwanda (RDF), Umugaba Mukuru w’Ingabo za Somalia, Major General Odawa Yusuf Rage, hamwe n’itsinda bari kumwe, kuwa Kane basuye Ishuri Rikuru rya Gisirikare rya RDF riri i Nyakinama, mu Karere ka Musanze.
Major General Odawa yakiriwe na Brigadier General Andrew Nyamvumba, Umuyobozi w’Ishuri Rikuru rya Gisirikare rya RDF, hamwe n’abakozi baryo nk’uko byatangajwe na Minisiteri y’Ingabo kui X.
Itsinda bari kumwe ryahawe ishusho rusange y’iri shuri, irimo intego zaryo, porogaramu z’amasomo ndetse n’ibikorwa biteganyijwe mu gihe kiri imbere.
Umugaba Mukuru w’Ingabo za Somalia yanafashe umwanya wo guhura no kuganira n’abanyeshuri b’Abasomali biga muri iri shuri rikuru rya gisirikare ry’ Ingabo z’u Rwanda.
