Rwanda: Umupolisikazi w’imyaka 24 y’amavuko yishwe na Covid-19

Minisiteri y’Ubuzima mu Rwanda kuri uyu wa 3 Kamena 2020 yatangaje ko kuri uyu wa Kabiri, Umupolisikazi w’imyaka 24 y’amavuko yabaye umuntu wa kabiri wishwe na Covid-19.

Uyu yanduriye mu mahanga, aho yari yaragiye mu butumwa bw’akazi, agaruka mu Rwanda amaze kuremba.

Abagaragaye iyi ndwara bashya ni 7 banduye Covid-19 mu bipimo 957 byafashwe.

Abakize iki cyorezo bageze kuri 269 barimo 7 b’uyu munsi.

Muri rusange abamaze kugaragaraho iki cyorezo muri iki gihugu ni 384, abantu 113 ni bo bakirwaye.