Kuri uyu wa Gatandatu, itariki ya 22 Ugushyingo 2025, umujyi wa Mahanga muri Gurupoma ya Nyamaboko ya 1 (Teritwari ya Masisi) muri Kivu y’Amajyaruguru, waguye mu maboko y’inyeshyamba za AFC / M23, nyuma y’imirwano ikaze hagati yabo n’ingabo za leta zishyigikiwe na Wazalendo.
Biravugwa ko kuva ku wa Gatanu, itariki ya 21 Ugushyingo, inyeshyamba za AFC/M23 zagabye igitero ku birindiro bya FARDC na Wazalendo hafi ya Mahanga mbere yo gusubizwa inyuma zerekeza ahitwa Bitoi.
Ku wa Gatandatu mu gitondo, ngo inyeshyamba zagarutse zikwije zirukana ingabo za leta na Wazalendomu mujyi wa Mahanga, zigenzura kuva nimugoroba wo kuwa 6.
Umubare w’abapfiriye muri iyi mirwano nturamenyekana, ariko amakuru yacu yerekana ko ingabo za leta na Wazalendo zasubiye inyuma zerekeza i Luhando, mu majyepfo ya Mahanga.
Hagati aho, imirwano ikaze irakomeje mu nkengero za Kibanda, n’ubundi muri iyo zone. Muri kariya gace k’Umurenge wa Osso Banyungu, aho inyeshyamba zihanganye na FARDC na Wazalendo.
Amakuru aturuka hafi ya Buhimba yerekana ko kugeza mu ijoro ryo kuri uyu Gatandatu, urusaku rw’intwaro ziremereye n’izoroheje rwari rukiri kumvikana mu karere k’imirwano, bituma abaturage benshi bahagarika umutima.
Amakuru aturuka aho ngo aragaragaza ko umutekano ikifashe nabi muri kariya gace.
