Minisiteri y’Ubuzima mu Rwanda kuri uyu wa 8 Nyakanga 2020 yatangaje ko hagaragaye abantu 22 banduye Covid-19 mu bipimo 2644 byafashwe.
Ababonetse i Kigali ni 17 bose bavuye mu kigo kinyurwamo by’igihe gito. Abandi barwayi babonetse ni abo muri Rusizi 3 n’abo muri Ngoma 2.
Abamaze gukira iki cyorezo bageze kuri 610 barimo 15 b’uyu munsi.
Muri rusange abamaze kugaragaraho iki cyorezo mu Rwanda ni 1194, abakirwaye bageze kuri 581. Abamaze gupfa ni batatu barimo umusaza w’imyaka 65 y’amavuko, umupolisi w’imyaka 24 y’amavuko ndetse n’umusirikare w’imyaka 51 y’amavuko.
