Urukiko rw’ibanze rwa Kicukiro kuri uyu wa gatatu tariki 17 Ukuboza 2025 Urukiko rwasomye umwanzuro w’urubanza ruregwamo Uzabakiriho Cyprien alias Djihad, Kalisa John alias Kjohn, Ishimwe François Xavier, Ishimwe Patrick alias Pazzo Man, Kwizera Nestor alias Pappy Nesta.
Umucamanza wari ufite dosiye y’aba bakurikiranyweho gusakaza amashusho ya Yampano yagiye kureba abana, noneho isaha yari yarashyizweho urwo rubanza ntiyubahirijwe.
Haje umukozi w’urukiko avuga ko umucamanza adahari bityo yasize abwiye umwanditsi w’Urukiko ko yemerewe gusoma umwanzuro.
Umwanzuro wategetse ko Djihad, Pazzo Man, Ishimwe François Xavier na Kwizera Nestor bafungwa iminsi 30 y’agateganyo bitewe n’uko hari ibyagezweho bihagije.
Yerekeje ko Kalisa John alias Kjohn arekurwa. Uwo mwanzuro uvuga ko bihita biba itegeko kuva usomwe.
