Minisiteri y’Ubuzima mu Rwanda kuri uyu wa 10 Nyakanga 2020 yatangaje ko hagaragaye abantu 42 banduye Covid-19 mu bipimo 3898 byafashwe. Aba barimo imfungwa 17 zabonetse mu Karere ka Nyabihu.
Ababonetse muri Kigali ni 16 barimo abatashye n’itsinda ryitabwaho by’umwihariko. Harimo kandi 5 babonetse mu Karere ka Rusizi na 4 babonetse mu Karere ka Nyamagabe.
Abamaze gukira iki cyorezo bageze kuri 635 barimo 12 b’uyu munsi.
Muri rusange abamaze kugaragaraho iki cyorezo mu Rwanda ni 1252 abakirwaye bageze kuri 614. Abamaze gupfa ni batatu barimo umusaza w’imyaka 65 y’amavuko, umupolisi w’imyaka 24 y’amavuko ndetse n’umusirikare w’imyaka 51 y’amavuko.
