Ikipe y’igihugu ‘Amavubi’ yazamutseho umwanya umwe ku rutonde ngarukakwezi rw’Impuzamashyirahamwe y’Umupira w’Amaguru ku Isi, FIFA.
Uri rutonde rwasohotse ku wa Mbere tariki ya 19 Mutarama, rwerekana ko Amavubi yageze ku mwanya wa 130 avuye ku wa 131 yariho mu kwezi gushize.
Urutonde rushya rwa FIFA rwerekana ko ibihugu byinshi byo ku mugabane wa Afurika byazamutse, nyuma yo kwitwara neza mu gikombe cya Afurika giheruka kubera muri Maroc.
Nka Sénégal yatwaye igikombe yahise iva ku mwanya wa 19 yariho ku Isi mu kwezi gushize, ifata uwa 12.
Ni mu gihe Maroc bahuriye ku mukino wa nyuma yavuye ku mwanya wa 12, yandika amateka yo kuba igihugu cya mbere cyo muri Afurika no mu Barabu kigeze ku mwanya wa 8 ku Isi.
Andi makipe yitwaye neza arimo Nigeria yafashe umwanya wa 26 ku Isi ivuye ku wa 38, AlgĂ©rie yafashe uwa 28 ivuye ku wa 34, Misiri yafashe uwa 31 ivuye ku wa 35, CĂ´te d’Ivoire yafashe uwa 37 ivuye ku wa 42 na CamĂ©roun yafashe umwanya wa 45 ivuye ku wa 57.
Ku Isi Espagne yagumanye umwanya wa mbere imazeho amezi atanu, ikaba ikurikirwa n’ibihugu bya Argentine, u Bufaransa, u Bwongereza, BrĂ©sil, Portugal n’u Buholandi.
Ikipe y’igihugu y’u Bubiligi ni yo ya cyenda, mu gihe u Budage buza ku mwanya wa 10.
