Minisiteri y’Ubuzima mu Rwanda kuri uyu wa 18 Nyakanga 2020 yatangaje ko umukecuru w’imyaka 88 y’amavuko wari utuye mu Karere ka Nyamasheke yishwe na Covid-19.
Uyu mukecuru abaye uwa gatanu iki cyorezo cyiciye mu Rwanda, nyuma y’umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko n’umusaza w’imyaka 78 y’amavuko.
Ababonetse uyu munsi banduye iki cyorezo ni 54 barimo 35 babonetse mu tugari twashyizwe mu kato mu Karere ka Nyamasheke, 9 bo muri Rusizi, 7 b’i Kigali na 3 b’i Kirehe; bose babonetse mu bipimo 3232 byafashwe..
Abamaze gukira iki cyorezo bageze kuri 819 barimo 8 b’uyu munsi.
Muri rusange abamaze kugaragaraho iki cyorezo mu Rwanda ni 1539, abakirwaye bageze kuri 715. Ibipimo byose byafashwe ni 207,022.
