Minisiteri y’Ubuzima mu Rwanda kuri uyu wa 25 Nyakanga 2020 yatangaje ko abamaze kwandura icyorezo cya Covid-19 biyongereyeho 23 mu bipimo 4330 byafashwe.
Kigali yabonetsemo abanduye 11 barimo abapimwe mu midugudu iri mu kato no mu duce twibasiwe kurusha ahandi, Rubavu ibonekamo 7 na Kirehe ibonekamo 5.
Muri rusange abamaze kugaragaraho iki cyorezo mu Rwanda ni 1752 abakirwaye bageze kuri 840. Ibipimo byose byafashwe ni 238,007.
Batanu ni bo kimaze kwicira mu Rwanda barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko, umusaza w’imyaka 78 y’amavuko n’umukecuru w’imyaka 88 y’amavuko.
