Abenegihugu 16 ba Repubulika ya Demokarasi ya Congo bari mu bahitanwe n’impanuka y’ubwato yabaye ku itariki ya 18 Werurwe ku nkombe za Mitsamiouli, mu birwa bya Comoros.
Ukurikije urutonde rwashyizwe ahagaragara, abantu 18 bahasize ubuzima, barimo Abanyekongo 16 n’Ababurundi 2 nk’uko bitangazwa n’ibinyamakuru bitandukanye.
Ubuyobozi bushinzwe umutekano w’abaturage muri Comoros bwo ku ruhande rwabwo buvuga ko abantu bapfuye, by’agateganyo, bagera kuri 12, naho 12 baburiwe irengero, abandi 30 barokotse bari kwitabwaho mu bitaro.
Ibikorwa byo gushakisha birakomeje, mu gihe abayobozi bongeye kwibutsa abantu bashaka kujya mu Burayi mu buryo bunyuranyije n’amategeko ibyago bashobora gusanga muri izo nzira.
