Imirwano ikaze iravugwa kuva mu gitondo cyo kuri iki Cyumweru, itariki ya 5 Mata 2026, muri Teritwari ya Masisi, mu Ntara ya Kivu y’Amajyaruguru mu burasirazuba bwa Repubulika ya Demokarasi ya Congo.
Amakuru aturuka muri ako gace agera ku rubuga Kivu Morning Post, dukesha iyi nkuru, aravuga ko imirwano yahuje abarwanyi ba AFC/M23 n’inyeshyamba zo mu mitwe itandukanye ya wazalendo.
Iyi mirwano bivugwa ko yahuje abarwanyi ba AFC/M23 n’inyeshyamba zo mu mitwe ya UPCRN na ANCDH / AFDP iri kubera muri Tongo na Shingisha mu Murenge wa Osso Banyungu.
