Amakuru aturuka muri Repubulika Iharanira Demokarasi ya Congo, aravuga ko kuri uyu wa Gatatu umutwe wa AFC/M23 n’ihuriro ry’Ingabo zirwana ku ruhande rwa Leta ya Kinshasa baramukiye mu mirwano ikomeye cyane iri kubera ku ntera nto uvuye mu mujyi wa Uvira.
Amakuru atandukanye yemeza ko imirwano iri kubera mu duce twa Kigoro, Kigurwe na Kabunambo duherereye mu bilometero bibarirwa muri 26 uvuye muri Uvira.
Ni imirwano M23 ihanganyemo n’ihuriro ririmo FARDC na Wazalendo.
Kugeza ubu biracyagoye kumenya uko impande zombi ziri kwitwara mu mirwano, ndetse yaba AFC/M23 cyangwa Kinshasa nta wuragira icyo ayitangazaho.
