Minisiteri y’Imari yasabwe kugaragaza uko ibirarane by’imisanzu ya pansiyo bizishyurwa mu mezi 3

Inteko Rusange y’Umutwe w’Abadepite yasabye Minisiteri y’Imari kugaragaza gahunda y’uko ibirarane by’imisanzu y’ubwiteganyirize bwa pansiyo bizishyurwa, bigakorwa mu gihe kitarenze amezi atatu.

Inteko rusange, kuri uyu wa Mbere, itariki 18 Gicurasi, yasuzumaga raporo ya Komisiyo y’Imibereho y’Abaturage ku isesengura rya raporo y’igenzura ricukumbuye yakozwe n’Umugenzuzi Mukuru w’Imari ya Leta ku micungire y’ishami rya pansiyo (Nyakanga 2015-Werurwe 2025.

Inteko Rusange y’Umutwe w’Abadepite yasanze hari ibibazo by’ingenzi bikigaragara mu gutanga imisanzu ya pansiyo, birimo:

Kudatanga no kutamenyekanisha imisanzu ku gihe;

Ibirarane byinshi by’imisanzu ya pansiyo;

Kudakurikirana abatubahiriza amategeko.