Abarwanyi ba AFC/M23 baba bataye ibirindiro byinshi mu majyepfo y’Ikirwa cy’Idjwi. Amakuru aturuka mu baturage baho aravuga ko bavuye mu birindiro byinshi bari bafite muri Sheferi ya Ntabuka, Hurupoma ya Mugote, mu ijoro ryo ku wa Mbere, rishyira kuri uyu wa Kabiri, itariki ya 19 Gicurasi 2026.
Ayo makuru avuga ko inyeshyamba zatwitse bimwe mu birindiro byazo mbere yo kugenda, harimo nk’ibirindiro byari biherereye hafi y’itorero rya CEPAC Moria.
Bivugwa ko ibi byabaye saa mbiri z’ijoro’. Mu gitondo cyo kuri uyu wa Kabiri, abaturage bo muri ako gace batangaje ko nta barwanyi bari mu duce twinshi twari twarigaruriwe.
Bamwe mu baturage bavuga ko nijoro buriye ubwato berekeza i Goma, mu gihe abandi bavuga ko inyeshyamba ziri guhindura ibirindoro.
