Kuri uyu wa Kane, itariki ya 21 Gicurasi, Urukiko rw’Ikirenga i N’Djamena rwanze ubujurire bwatanzwe n’itsinda ry’abanyamategeko bunganira uwahoze ari Minisitiri w’Intebe wa Tchad, Succès Masra, bityo rukomeza igihano cy’igifungo cy’imyaka 20 yakatiwe nyuma yo guhamwa n’ibyaha byo “gukwirakwiza ubutumwa bw’ivanguramoko no kwibasira abanyamahanga,” “kwifatanya n’abagizi ba nabi,” n “” ubufatanyacyaha mu bwicanyi. “
Kuri uwo munsi, abapolisi n’abasirikare benshi boherejwe ku rukiko, babuza abantu kumva imyanzuro kandi urubanza rwari mu ruhame. By’umwihariko abanyamakuru basabwe kuva aho hantu nk’uko tubikesha RFI.
Iki gihano cyari cyaratanzwe n’urukiko mpanabyaha mu kwezi kwa Kanama umwaka ushize gihabwa uwahoze ari umuyobozi wa guverinoma akaba na Perezida w’ishyaka rya Les Transformateurs, ndetse n’abagabo barenga 70 bareganwaga kugira uruhare mu bwicanyi bwabereye i Mandakao muri Gicurasi 2025.
