Inyeshyamba za AFC/M23 n’ingabo za FARDC zishyigikiwe na Wazalendo, zirahanganye kuva ku Cyumweru nijoro kugeza kuri uyu wa Mbere, itariki ya 1 Kamena, i Buhimba, muri Teritwari ya Masisi, mu Ntara ya Kivu y’Amajyaruguru.
Nk’uko amakuru aturuka muri ako gace agera kuri ACTUALITE.CD abitangaza, ngo imirwano yatangiye mu masaha ya saa tanu z’ijoro ku isaha yaho, irimo intwaro ziremereye n’izoroheje. Kugeza mu gitondo cyo kuri uyu wa Mbere, imirwano yari ikomeje i Buhimba.
Ayo makuru yongeyeho ko ihuriro rya guverinoma ari ryo ryagabye igitero ku birindiro by’inyeshyamba muri kariya gace ko mu Murenge wa Osso Banyungu.
Biravugwa ko FARDC n’abafatanyabikorwa ba yo barimo kugerageza kwirukana inyeshyamba za AFC/M23 i Buhimba.
Iyi mirwano ibaye nyuma y’imirwano yabaye muri Kibati, muri Teritwari ya Walikale, aho impande zombi zirwanira kuva mu ijoro ryakeye.
