Minisiteri y’Ubuzima mu Rwanda kuri uyu wa 16 Kanama 2020 yatangaje ko habonetse abantu 101 banduye Covid-19, mu bipimo 4796 byafashwe.
Harimo abantu 80 babonetse mu mujyi wa Kigali, bakaba bapimwe ahibasiwe kurusha ahandi harimo isoko rya Nyabugogo. Hari kandi 9 babonetse mu Karere ka Rusizi, 9 babonetse muri Rubavu, 2 babonetse muri Nyamasheke n’undi umwe wabonetse mu Karere ka Huye.
Abamaze gukira Covid-19 bageze ku 1648 barimo 17 b’uyu munsi.
Muri rusange, abantu 2453 ni bo bamaze kugaragaraho iki cyorezo, abakirwaye ni 797. Ibipimo byose bimaze gufatwa ni 334,270.
Mu minsi itatu ishize gusa, mu Rwanda hamaze kugaragara abarwayi 253 barimo ab’uyu munsi, 93 babonetse tariki ya 14 Kanama na 59 babonetse tariki ya 15 Kanama 2020.
