Skip to content

Kinyarwanda
English
Francais
Swahili

Kinyarwanda
English
Francais
Swahili

My Account

Ahabanza
Amakuru
Politiki
Ubukungu
Imikino
imyidagaduro

Ahabanza
Amakuru
Politiki
Ubukungu
Imikino
imyidagaduro

Ahabanza
Amakuru
Politiki
Ubukungu
Imikino
imyidagaduro

Ahabanza
Amakuru
Politiki
Ubukungu
Imikino
imyidagaduro

EAC: Hemejwe ingamba zigamije gushimangira umutekano w’ibiribwa

Denis Nsengiyumva
July 7, 2026
8:37 am

Sangiza iyi nkuru

Abaminisitiri bashinzwe ubuhinzi n’umutekano w’ibiribwa mu bihugu bigize Umuryango wa Afurika y’Iburasirazuba (EAC) bemeje ingamba nshya zirimo iza politiki, ishoramari n’amabwiriza, zigamije gushimangira umutekano w’ibiribwa, kwihutisha impinduka mu rwego rw’ubuhinzi no guteza imbere ubuhinzi burambye mu karere.

Izi ngamba zafatiwe mu Nama ya 19 y’Akanama k’Ubuhinzi n’Umutekano w’Ibiribwa yabereye i Dar es Salaam muri Tanzania.

Mu byemezo byafashwe harimo kwemeza gahunda y’ishoramari mu rwego rw’ubuhinzi n’ibiribwa ya EAC (Regional Agri-Food Systems Investment Plan – RASIP) izashyirwa mu bikorwa hagati ya 2026 na 2035.

Hanemejwe kandi ingamba zigamije kurushaho gushyira mu bikorwa gahunda ya EAC yo guteza imbere ubuhinzi bw’umuceri, ndetse n’urubuga rw’urubyiruko rwo mu karere rukora mu bijyanye n’ubuhinzi [Youth in Agri-Food Systems in East Africa (YASE)] rugamije guteza imbere uruhare rw’urubyiruko mu rwego rw’ubuhinzi n’ibiribwa.

Abaminisitiri banemeje kandi Ingamba za EAC zo gucunga ikoreshwa ry’imiti yica udukoko n’indwara ishobora guteza ingaruka zikomeye zizashyirwa mu bikorwa kuva mu 2026 kugeza mu 2036 nk’uko iyi nkuru dukesha Isango Star ivuga.

Mu rwego rw’ubworozi, hemejwe gahunda y’Ingamba zo kurwanya indwara y’uburenge mu matungo (Foot-and-Mouth Disease) mu Burasirazuba bwa Afurika, izashyirwa mu bikorwa hagati ya 2026 na 2035, ndetse hemezwa n’amabwiriza y’akarere agamije guteza imbere ubuzima bw’amatungo no koroshya ubucuruzi bw’amatungo hagati y’ibihugu bigize EAC.

Inararibonye mu ishoramari n’iterambere ry’akarere ko mu ihembe rya Afurika, Mohammed Abdelqadir, yavuze ko iterambere ry’ubuhinzi bwo mu karere rishingiye kuri politiki ihuriweho, ishoramari rihuzwa n’amabwiriza asobanutse.

Yongeyeho ko umutekano w’ibiribwa, ubuzima bw’amatungo, uruhare rw’urubyiruko n’ubucuruzi bwo mu karere bifitanye isano, ashimangira ko intambwe ikurikiyeho ari ugushyira mu bikorwa ibyo byemezo mu bihugu byose bigize EAC.

Soma Izindi Nkuru

FARDCC

Fizi: FARDC irigamba kwisubiza imidugudu 3 hafi ya Minembwe

July 7, 2026

images (3)

RDC: Uruhande rwa Kabila ruribaza igishya kizanwe mu biganiro bya Bujumbura

July 6, 2026

20260706_141447

AFC/M23 na Twirwaneho bafashe kwa Mulima, igitutu cyiyongera kuri Baraka na Fizi

July 6, 2026

Leave a Reply

You must be logged in to post a comment.

Isoko y'amakuru acukumbuye

All rights reserved