Guhera ku wa 1 Kanama 2026, Abaturage b’u Burundi banyura ku kibuga cy’indege cya Bruxelles cyangwa ikindi kibuga cy’indege cyo mu Bubiligi mu rugendo rwabo (transit) basabwa, uretse mu bihe bike bidasanzwe, kuba bafite viza yo kunyura ku kibuga cy’indege (airport transit visa). Iri tegeko rireba aba baturage, hatitawe ku gihugu batuyemo.
U Bubiligi bwashyizeho amabwiriza mashya ku bagenzi b’Abarundi. Mu itangazo ryasohotse ku wa 9 Nyakanga 2026 ku rubuga rwa interineti rwa ambasade yabwo i Bujumbura, icyo gihugu cyatangaje ko viza yo kunyura ku kibuga cy’indege (izwi nka “visa A”) ubu ari ngombwa ku rugendo urwo ari rwo rwose rusaba kunyura ku kibuga cy’indege cyo mu Bubiligi.
Iri tegeko rireba Abarundi bajya mu kindi gihugu banyuze mu Bubiligi, ndetse n’abasubira mu aho batuye bavuye mu kindi gihugu bakoresheje iyo nzira.
Iri tegeko rishingiye ku bwenegihugu bw’umugenzi, ntabwo ari aho atuye. Bityo, Umunyagihugu w’u Burundi uba mu mahanga agengwa n’aya mabwiriza mashya keretse yujuje ibisabwa kugira ngo yemererwe gusonerwa. Ambasade ivuga ko ayo mabwiriza akurikizwa “hatitawe aho atuye.” Viza igarukira ku karere mpuzamahanga: Viza “A” yemerera nyirayo kuguma mu karere mpuzamahanga k’ikibuga cy’indege cy’u Bubiligi mu gihe ategereje indege. Ntimwemerera ariko kwinjira mu gihugu cy’u Bubiligi cyangwa kugenda mu gice cya Schengen.
Niba gahunda y’urugendo isaba umugenzi kuva muri aka gace, gutwara imizigo, guhindura ibibuga by’indege, cyangwa kunyura mu igenzura ry’umupaka, viza “A” ishobora kuba idahagije.
Ni bande batarebwa n’iri tegeko?
Muri rusange, iri tegeko ntirireba abaturage b’u Burundi bafite ibyangombwa bikurikira:
Pasiporo y’abadipolomate; viza ya Schengen, viza y’igihugu yo mu bwoko bwa D (national D visa), cyangwa uruhushya rwo gutura rutangwa n’igihugu kiri mu muryango wa Schengen; viza cyangwa uruhushya rwo gutura bitangwa na Canada, Leta Zunze Ubumwe za Amerika, u Buyapani, Chypre, cyangwa Irlande; uruhushya rwo gutura rutangwa n’u Bwongereza cyangwa Andorra; viza cyangwa uruhushya rwo gutura bitangwa na Aruba, Curaçao, Sint Maarten, Bonaire, Sint Eustatius, cyangwa Saba, abagize umuryango w’umuturage wo muri EU, cyangwa abakora mu ndege.
