Tombola y’uko amakipe agomba guhura mu ijonjora ry’ibanze rya CAF Champions league, yasize ikipe ya APR FC itomboye Aigle du Congo y’i Kinshasa muri Repubulika Iharanira Demokarasi ya Congo.
Kuri uyu wa Kane tariki ya 6 Kanama ni bwo iyi tombola yayobowe n’Umunyarwanda Karekezi Olivier wahoze akinira ikipe y’igihugu ‘Amavubi’ yabaye.
Umukino ubanza hagati ya APR FC na Aigle du Congo ugomba kubera i Kinshasa, mu gihe uwo kwishyura uzabera i Kigali.
Mu gihe APR FC yaba ishoboye gusezerera iyi kipe, yazahurira mu ijonjora rya kabiri hagati y’imwe mu makipe ya Zamalek FC yo mu Misiri na As-Port yo Djibouti.
Aigle du Noir yashinzwe ku wa 21 Kanama 2023, ishingwa n’umushoramari Vidiye Tshimanga.
Iyi kipe ifite icyicaro i Kinshasa mu Murwa Mukuru wa Repubulika Iharanira Demokarasi ya Congo, ikanakirira imikino yayo ahanini kuri Stade des Martyrs na Stade Tata Raphaël.
Kugeza ubu imaze gutwara igikombe 1 cya Linafoot (Shampiyona ya RDC) yegukanye mu mwaka w’imikino wa 2024/25.
Muri ‘season’ ishize Aigle du Congo yabaye iya kabiri muri shampiyona, inyuma ya TP Mazembe yegukanye igikombe.
