Akanyamasyo kazwi ku izina rya Baba, bivugwa ko kari kamaze imyaka igera kuri 420, kapfiriye mu ngoro y’Umwami wa Oyo, muri Leta ya Oyo, muri Nigeria.
Baba yapfuye ku wa Mbere tariki ya 14 Nzeri 2026, nyuma yo kurwara no guhagarika kurya.
Abaturage bo mu mujyi wa Oyo bakundaga kukita “umuturage wa kera kurusha abandi”, bitewe n’imyaka myinshi cyane kari kamaze muri ako gace. Kafatwaga nk’umutungo w’amateka w’ingoro y’abami ba Oyo, kandi kari karabonye abami benshi basimburana ku ngoma.
Umuyobozi ushinzwe itangazamakuru n’ubukangurambaga ku Mwami wa Oyo, Bode Durojaiye, ni we watangaje iby’urupfu rwa Baba mu itangazo ryashyizwe hanze ku wa Kane tariki ya 17 Nzeri 2026.
