Minisiteri y’Ubuzima mu Rwanda kuri uyu wa 8 Nzeri 2020 yatangaje ko umuntu wa 20 yishwe na Covid-19, haboneka abandi bantu 30 banduye iki cyorezo mu bipimo 3253 byafashwe.
Uwapfuye ni umubyeyi wari ufite imyaka 70 y’amavuko, w’i Kigali.
Abanduye barimo 18 bapimwe mu bibasiwe kurusha abandi, 4 babonetse mu Karere ka Rusizi, 2 muri Kamonyi, 2 muri Rubavu, 1 muri Gisagara, 1 muri Musanze, 1 muri Kirehe n’undi muri Karongi.
Abamaze gukira iki cyorezo ni 2307 barimo 36 babonetse uyu munsi, abakirwaye bo ni 2112. Abamaze kugaragaraho iki cyorezo muri rusange ni 4439 mu bipimo 447,603 byafashwe muri rusange.
