Minisiteri y’Ubuzima mu Rwanda kuri uyu wa 25 Nzeri 2020 yatangaje ko abandi Banyarwanda babiri bishwe n’icyorezo cya Covid-19, mu gihe handuye abantu 9 mu bipimo 1400 byafashwe.
Abapfuye barimo umugabo ufite imyaka 44 n’umugore w’imyaka 46 y’amavuko, bombi baguye i Kigali.
Barimo 5 babonetse i Kigali, 2 muri Nyamagabe n’abandi 2 muri Nyagatare.
Abamaze gukira iki cyorezo ni 3080 barimo 30 b’uyu munsi, abakirwaye bo ni 1689. Abamaze kugaragaraho iki cyorezo muri rusange ni 4799 mu bipimo 484,841 byafashwe muri rusange.
