Indwanyikazi ya ADF iherutse gufatirwa ku rugamba n’umugore wa Musa Seka Baluku, uyoboye uyu mutwe muri iki gihe aho kuba umugore wa Jamil Mukulu wawushinze nk’uko byari byatangajwe kuri uyu wa Gatandatu na FARDC.
Amakuru akosora ayari yatangajwe aturuka mu gisirikare cya Congo niko avuga.
Aya makuru agera kuri Actualite.cd avuga ko Safi Adidja wafashwe ku itariki 22 Ukwakira mu mirwano yahuzaga FARDC na ADF mu gace ka Kainama muri Teritwari ya Beni ari umugore w’uyoboye umutwe wa ADF muri iki gihe, Musa Baluku.
Bivugwa ko uyu mugore yafatiwe ku rugamba n’abandi barwanyi batanu ba ADF nyuma yo gukomeretswa n’amasasu.
Umugabo we, Musa Baluku, kuri ubu yashyiriweho ibihano na Leta Zunze Ubumwe za Amerika n’Umuryango w’Abibumbye kuva mu Ukuboza 2019 na Gashyantare 2020, kubera ibyaha bikorwa n’umutwe ayoboye muri Teritwari ya Beni.
Kanda hano usome inkuru bifitanye isano
