Itsinda ryihariye rya Polisi yo mu Buholandi ryataye muri yombi Joseph Mugenzi, se wa Rene Mugenzi uherutse gufungirwa mu Bwongereza azira kwiba amayero agera ku 270,000.
Joseph Mugenzi w’imyaka 71 y’amavuko, yatawe muri yombi akurikiranweho uruhare ashinjwa muri jenoside yakorewe Abatutsi mu 1994.
Amakuru amuvugwaho, avuga ko mu gihe jenoside yakorwaga, Mugenzi yari afite farumasi ndetse akaba n’umukozi wa banki; ngo akaba yarateye inkunga ishyirwa mu bikorwa rya jenoside.
Joseph Mugenzi kandi ari mu banyapolitiki batangije ishyaka ritavuga rumwe n’ubutegetsi bw’u Rwanda rya FDU Inkingi, yaje kubera Perezida.
