Urwego rw’Igihugu rw’Ubugenzacyaha, RIB, rurimo gushakishwa uwitwa Izabayo Theodore, wo mu Karere ka Musanze ukurikiranweho icyaha cyo kwica umwana w’imyaka 10 agahita acika.
Ni icyaha cyakorewe mu Mudugudu wa Rukereza, Akagari ka Kigombe, Umurenge wa Muhoza, Akarere ka Musanze, mu Ntara y’Amajyaruguru kuri uyu wa Kabiri, itariki 10 Ugushyingo 2020.
Itangazo rishakisha ryashyizwe ahagaragara na RIB riravuga ko nyakwigendera ari uwitwa Fabrice Isubirizigihe w’imyaka 10.
Urwego rw’Igihugu rw’Ubugenzacyaha rurasaba umuntu wese wamubona kwihutira gutanga amakuru kuri station yarwo imwegereye cyangwa agahamagara numero itishyurwa; 166 cyangwa 112 ya polisi.
