Ingabo z’u Bufaransa zirwanira mu kirere zifite ibisiga bine bidasanzwe, zitoza guhanura utudege tutagira abapilote (drones) tw’imitwe y’iterabwoba.
Ibi bisiga bifite amazina ya: D’Artagnan, Athos, Porthos na Aramis; byaturazwe mu 2016 ubwo izi ngabo zari zifite impungenge z’uko imitwe y’iterabwoba ishobora kohereza utu tudege dutezweho ibisasu, bigahitana abantu.
Ni nyuma y’aho mu 2015 hari akadege kigeze koherezwa hejuru y’ingoro ya Perezida w’u Bufaransa, bikekwa ko ari ak’umutwe w’iterabwoba, gusa ngo icyo gihe nta kintu na kimwe kangije.
Intego y’uyu mushinga ingabo z’u Bufaransa zirasa n’aho ziri kuyigeraho kuko mu myitozo, nta kadege gapfa gucika ibi bisiga biguruka ku muvuduko uri ku rwego rwo hejuru.
Nk’uko Washington Post yabitangaje, igerageza ryakorewe kuri iki cya D’Artagnam ryagaragaje ko gishobora guhanura akadege kari muri metero 200 mu kirere, kikakageraho gikoresheje amasegonda 20, hanyuma kikakamanukana hasi.
Ingabo z’u Bufaransa zizera ko uburyo bwo gukoresha ibisiga mu guhanura utu tudege ari bwo butekanye cyane, kuko bidasaba kuturasira mu kirere.
Ibi bisiga byatojwe kuva bikiri bito
Uyu musirikare yafotowe agiye kohereza igisiga guhanura akadege
