Inzoka yo mu bwoko bwa anaconda yabonwe mu gihugu cya Brésil, ikaba ipima ibiro 400 n’uburebure bwa metero 10 ndetse n’umuzenguruko wa metero 1.
Iyi nzoka yatangaje benshi, yabonwe ahantu hubakwaga mu gace ka Altamira (Brésil) benshi bakaba byabateye urujijo rw’aho yari yaturutse.
Nyuma yo kubona iyi nzoka, ngo abakozi bubakaga bahise bakwira imishwaro bagaruka nyuma imaze kwicwa bashungereye.
Nk’uko bitangazwa n’ikinyamakuru Dailymail, Inzoka yaheruka kwicwa igatangaza benshi yari ifite uburebure bwa metero 8 n’ibiro 250, yo yari mu bwoko bwa python.
Yari yabonwe ku kirwa cya Penang giherereye muri Malaisie, by’umwihariko ubunini bwayo bukaba butari bwaranditswe mu gitabo cy’amateka y’isi (Guinness World Records).
Inzoka nini yanditswe muri Guinness World Records, yari ifite uburebure bwa metero 7,67 ikaba yarapimaga ibiro 158,8 yo yari yarabonwe mu mujyi wa Kansas muri Leta zunze ubumwe za Amerika, iziyirushije ubunini zikaba zikomeje kuboneka.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Théoneste/Bwiza.com
