Inkuru ibabaje ku bakunzi n’abafana b’ikipe ya Rayon Sport izindukiye mu binyamakuru bitandukanye ivuga ko batatu mu bari abayobozi b’umuryango wa Rayon Sport bamaze kwegura ku mirimo yabo nyuma y’ubwumvikane buke mu micungire y’umutungo w’iyi kipe y’i Nyanza .
[ad id=”44145″]
Abeguye ni uwari umunyamabanga Mukuru akaba n’umuvugizi w’umuryango wa Rayon Sports Ange Claudine Musabende, umubitsi Habarugira Vital na Visi Perezida wa mbere ushinzwe imiyoborere Rudasingwa Jean Marie Vianney, barangije kubwira ubuyobozi bw’umuryango w’iyi kipe ko batagishoboye gukomeza inshingano zabo.
Ubwumvikane buke muri Rayon Sport buravugwa hagati y’abagize umuryango wa Rayon Sport na Komite nyobozi y’ikipe iyobowe, Gacinya Denis ndetse n’umunyamabanga we Gakwaya Olivier.
Aba beguye mu gihe muri iyi kipe hakomeje kuvugwa ibibazo bwo kutumvikana ku mikoresherezwe y’umutungo w’ikipe, abagize umuryango wa Rayon Sport bavuga ko batanyuzwe n’uko ibikorwa by’igura n’igurisha ry’abakinnyi ryagenze. Amafaranga yagurishijwe kuri rutahizamu w’umugande Kasirye Davis yakunze kugarukwaho mu bwumvikane buke.
Ange Claudine Musabende wari umunyamabanga Mukuru akaba n’umuvugizi w’umuryango wa Rayon Sports yavuze ko n’ubwo beguye ku buyobozi bazakomeza kuba abakunzi b’ikipe bayihora hafi.
[ad id=”44145″]
Komite y’umuryango wa Rayon Sport igizwe n’abantu batanu, kuri ubu iyi komite isigaranye abayobozi babiri gusa (Perezida w’umuryango yabaye Kimenyi Vedaste na Muhirwa Visi Perezida ushinzwe ubukungu), aba beguye bari batowe mu kwezi kwa kane uyu mwaka.
K anda hano ujye ubona amakuru yihuse kandi kugihe kuri Facebook no kuri twitter
Niyonsenga Schadrack@bwiza.com
