Minisiteri y’Ubuzima imaze gutangaza ko abandi Banyarwanda batandatu (6) bishwe n’icyorezo cya Covid-19 kuri uyu wa 31 Ukuboza 2020, bituma umubare w’abamaze gupfa ugera kuri 92.
Barimo abagore b’imyaka 38 na 40 n’abagabo b’imyaka 52, 57, 62 na 71 bose bapfiriye mu Mujyi wa Kigali.
Abanduye uyu munsi bo ni 133 mu bipimo 4332. Barimo 97 babonetse muri Kigali, 24 babonetse i Musanze, 6 babonetse muri Rubavu, 3 babonetse muri Huye, 2 babonetse muri Muhanga n’undi wabonetse muri Kamonyi.
