COVID-19 yishe abagabo bane mu Rwanda, handura abantu 107

Minisiteri y’Ubuzima mu Rwanda yatangaje ko kuri uyu wa Gatandatu abagabo bane ari bo bishwe n’icyorezo cya COVID-19, mu gihe abanduye ari 107.

Abishwe na COVID-19 mu Rwanda bahise bagera kuri 98 mu babarirwa mu 8,567 banduye kiriya cyorezo mu Rwanda.

Abanduye kuri uyu wa Gatandatu barimo 85 b’i Kigali, 14 b’i Gicumbi, babiri b’i Rubavu, batatu b’i Huye, uwo mu Ruhango, uw’i Nyanza n’uwo mu karere ka Kirehe.