Umuvugizi wa operasiyo Sokola 2 y’ingabo za Repubulika ya Demukarasi ya Congo, igamije guhashya imitwe y’intwaje intwaro mu Ntara ya Kivu y’Amajyaruguru, Maj. Guillaume Njike Kaiko, yatangaje ko baherutse gukura abarwanyi ba FDLR na Mai Mai Nyatura bakorana mu birindiro bitanu.
Uyu musirikare yabitangarije mu kiganiro yagiranye na 7SUR 7 kuri uyu wa 12 Mutarama 2021 kirebana n’ibikorwa ingabo za RDC zikomeje byo kurwanya bene iyi mitwe.
Maj. Njike yavuze ko ingabo za RDC zakuye birindiro Mai Mai Nyatura na FDLR mu gace Nyamitwitwi, muri Gurupoma ya Binza, muri Teritwari ya Rutshuru.
Ngo : “Mu gihe intwaro zigicaracara muri iki gice, ntabwo tuzahagarara guhiga abazitwara. Yaba FDLR, NDC ya Guidon n’indi mitwe yitwaje intwaro. Igisirikare cy’igihugu cyiteguye kuyihiga yose.”
