Ikigo cy’igihugu cy’imiyoborere(RGB) kuri uyu wa kabiri, cyagaragaje ubushakashatsi bwakozwe ku ishusho y’uko abaturage babona imitangire ya serivisi mu nzego z’ibanze.
[ad id=”44145″]
Ni mu nama yayobowe na Guverineri w’Intara y’Iburengerazuba, Bwana Munyantwali Alphonse ari kumwe n’umuyobozi mukuru wungirije wa RGB, Dr. Usengumukiza Félicien, aho hamuritswe, “Citizen report card” ni ukuvuga ubushakashatsi bukorwa buri mwaka hagamijwe kugaragaza igipimo cy’imiyoborere ibereye abaturage n’imitangire ya serivisi hashingiwe k’uko abaturage babibona.
Ku birebana n’imiyoborere myiza mu Karere ka Rubavu 97.1 ku ijana by’abaturage babajijwe bishimira imiyoborere mu Ntara, bakurikiwe naba Ngororero ku kigero cya 92.3%, Nyamasheke 88, Karongi 86.1%, Rusizi 85.4%, Rutsiro 84.5% hagaheruka Nyabihu iri kuri 82.5%.
Ku bijyanye n’uko serivisi zitangwa mu nzego z’ibanze nabwo Rubavu niyo iza ku isonga ku kigereranyo cya 87.8%, igakurikirwa na none n’Akarere ka Ngororero 84.8%, hakaza Karongi 79% naho Nyabihu niyo kandi iza ku mwanya wa Nyuma.
Muri rusange abaturage bashima serivisi zitangwa n’inzego z’ibanze mu Ntara bagera kuri 75.9% n’aho abazinenga ni 18%.
[ad id=”44145″]
Mu bitekerezo byatanzwe mu nama, hagaragajwe ko ubwo bushakashatsi bugaragaza uko abayobozi babanye n’abaturage bashinzwe, aho bamwe mu bayobozi bategera abaturage ngo babafashe gukemura ibibazo byabo. Uretse abayobozi bategera abaturage kandi havuzwe ko hari bamwe mu baturage nabo batsimbarara abandi bagashaka guhabwa iby’ubusa batabikwiriye. Aha bavugaga kuri gahunda zitandukanye zagenewe abaturage nk’Ubudehe, Gira Inka n’izindi.
Guverineri w’Intara y’Iburengerazuba, Bwana Munyantwali Alphonse akaba yarasabye abayobozi kurushaho kwegera abaturage babasobanurira gahunda za leta kandi babafasha gutera imbere.Yagize ati”Mureke tugendane n’abaturage dushinzwe, dukirane, dukenane ariko turi kumwe…”
Ubu bushakashatsi bwakerewe mu Turere twose tw’Igihugu bukorwa ku bipimo 14, harimo umutekano, ubuhinzi, ubworozi, imiyoborere, ubutabera, uburezi, ibikorwa remezo, isuku n’ibindi nk’uko iyi nkuru y’urubuga rw’intara isoza ivuga.
K anda hano ujye ubona amakuru yihuse kandi kugihe kuri Facebook no kuri twitter
@bwiza.com
