Abofisiye babiri mu ngabo z’u Rwanda; 2nd Lieutenant Eloge Nyiringabo na 2nd Lieutenant Josia Rugema bari mu banyeshuri 85 barangirije amasomo yo gutwara indege mu ishuri rya Al Zaeem Air College mu gihugu cya Qatar.
Uyu muhango wabereye ku birindiro by’ingabo zirwanira mu kirere bya Al Udeid wari uyobowe n’Umuyobozi w’Ikirenga wa Qatar, Sheikh Ramim bin Hamad al-Thani.
Uyu muhango witabiriwe n’Umuyobozi w’ishuri rya gisirikare rya Gako, Maj. Gen. Innocent Kabandana, Lt. Col. Dany Gatsinzi ushinzwe ibikorwa by’ingabo z’u Rwanda zirwanira mu kirere na Ambasaderi w’u Rwanda muri Qatar, François Nkulikiyimfura.
Lt. Col. Gatsinzi, Ambasaderi Nkulikiyimfura, 2nd Lt. Nyiringabo, 2nd Lt. Rugema na Maj. Gen. Kabandana (kuva ibumoso ugana iburyo))
Aba banyeshuri bari bamaze imyaka 3 biga muri iri shuri, yabahesheje impamyabumenyi y’icyiciro cya kabiri cya kaminuza mu masomo yo gutwara indege n’ibiyerekeye (aeronautics).
Umuyobozi w’Ikirenga wa Qatar, Emir Sheikh Ramim bin Hamad al-Thani ku ruhande rw’iburyo
Uyu muhango waranzwe n’ibikorwa birimo akarasisi k’indege za gisirikare
Amafoto: The Peninsula Qatar
