Umugaba Mukuru w’Ingabo za Uganda, Gen. David Muhoozi n’Umugaba w’Ingabo zirwanira ku butaka, Lt. Gen. Peter Elwelu bari mu batsindiye guhagararira igisirikare cy’iki gihugu (UPDF) mu Nteko Ishinga Amategeko; abarimo Minisitiri w’Umutekano, Gen. Elly Tumwine bo batsinzwe.
Nk’uko Umuvugizi w’Igisirikare na Minisiteri y’Ingabo bya Uganda, Brig. Gen. Flavia Byekwaso yabitangaje, imyanya y’abasirikare b’abagabo yahataniragamo abakandida 16 bafite amapeti ya ‘General’.
Aba bakandida ni: Gen. Elly Tumwine, Gen. Edward Katumba wamala, Gen. David Muhoozi, Lt. Gen. Wilson Mbadi, Lt. Gen. Peter Elwelu, Lt. Gen. Charles Otema Awany, Lt. Gen. Charles Lutaaya, Lt. Gen. Andrew Gutti, Lt. Gen. James Mugira, Maj. Gen. Sam Kiwanuka, Maj. Gen. Henry Masiko, Maj. Gen. Sam Okiding, Brig. Gen. James Kinalwa, Brig. Gen. Michael Kinaalwa, Brig. Gen. Francis Chemo na Brig. Gen. Ogik Bob Paskiesky.
Barindwi bayegukanye ni: Gen. Muhoozi, Lt. Gen. Elwelu, Gen. Edward Katumba Wamala usanzwe ari Minisitiri w’Umurimo, Lt. Gen. Wilson Mbasu Mbadi usanzwe ari Umugaba Mukuru wungirije, Lt. Gen. James Mugira uyoboye ikigo cya NEC (National Entreprise Corporation) gishamikiye kuri UPDF, Maj. Gen. Henry Matsiko usanzwe ari Komiseri wa UPDF mu bya politiki na Maj. Gen. Sam Kavuma usanzwe ari Umugaba Wungirije w’ingabo zirwanira ku butaka.
Gen. Muhoozi, Lt. Gen. Elwelu na Gen. Tumwina (uva ibumoso ugana iburyo
Abasirikare b’abagore batorewe guhagararira bagenzi babo mu Nteko ni batatu: Col. Dr. Victor Nekesa usanzwe ari umuganga mu biro by’Umukuru w’Igihugu, Lt. Col. Charity Bainababo usanzwe ari umujyanama wihariye w’umufasha w’Umukuru w’Igihugu na Maj. Dr. Jennifer Alanyo. Lt. Col. Susan Mwanga ni we wenyine watsinzwe kuko bane ni bo bari bahataniye iyi myanya.
Abagize akanama ka gisirikare ni bo batoye aba bakandida, mu itora ryabereye ku biro bikuru by’Ingabo zirwanira ku butaka biherereye mu gace ka Bombo.
Abagize akanama ka UPDF ni bo batoye
